काठमाडौँ । कोपा अमेरिका २०२४ फुटबल सम्पन्न भएको छ ।
सोमबार बिहान भएको फाइनल खेलमा कोलम्बियालाई १–० गोलले हराउँदै अर्जेन्टिनाले सर्वाधिक १६ औं पटक उपाधि जितेको हो ।
फाइनलमा एकमात्र निर्णायक गोल गर्दै अर्जेन्टिनालाई उपाधि जिताएका लौटारो मार्टिनेजले प्रतियोगितामा सर्वाधिक ५ गोल गर्दै गोल्डेन बुट जिते ।
यस्तै, कोलम्बियाका कप्तान हामेस रोड्रीग्वेज प्रतियोगिताकै उत्कृष्ट खेलाडी बने । उनले सर्वाधिक ५ असिस्ट गरेका थिए ।
यस्तै, अर्जेन्टिनाका इमालिनो मार्टिनेज उत्कृष्ट गोलकिपर घोषित भए । उनले प्रतियोगिताभर १ गोल मात्रै खाएका थिए ।
