काठमाडौँ । राष्ट्रिय स्वतन्त्र पार्टीको प्रवक्ताबाट बर्खास्तमा परेका डा. मुकुल ढकालले सभापति रवि लामिछानेलाई अर्को शालिकराम पुडासैनी नबन्ने चेतावनी दिएका छन् ।
सोमबार सामाजिक सञ्जालमा एक स्टाटस लेख्दै ढकालले आफ्ना भक्तहरू प्रयोग गरेर व्यक्तिगत जीवन र मेरो परिवार समेतलाई अनेकन आक्षेप लगाउन थालेको पनि रविमाथि आरोप लगाएका छन् ।
उनले लेखेका छन्, ‘रवि लामिछाने ज्यू , आफ्ना भक्तहरू प्रयोग गरेर व्यक्तिगत जीवन र मेरो परिवार समेतलाई अनेकन आक्षेप लगाउन थाल्नु भएछ । तपाईँ आफ्नो स्तर देखाउँदै हुनुहुन्छ । तपाईँ जति सक्नु हुन्छ , गर्नुहोस्, मेरो शुभकामना छ। चिन्ता लिनु पर्दैन , मुकुल ढकाल अर्को शालिकराम पुडासैनी बन्दैन ।’
