काठमाडौं। प्रधानमन्त्री केपी शर्मा ओली निकट सदस्यहरु सम्मिलित केन्द्रीय समितिको बैठक बालुवाटारमा शुरु भएको छ । बैठकमा शुरुमा स्थायी समिति सदस्य टोपबहादुर रायमाझीले सम्बोधन गर्नुभएको छ । रायमाझीले आफ्नो पार्टीको अध्यक्षले नेतृत्व गरेको सरकारलाई घेराबन्दी गर्ने र पार्टी फुटाउने कार्य गरेका कारण दाहाललाई साथ दिन नसकेको बताउनु भएको थियो ।
रायमाझीको अभिव्यक्ति पछि बैठकमा गडगडावट ताली बजेको एक सदस्यले जानकारी दिए । आफ्नै अध्यक्ष तथा प्रधानमन्त्रीविरुद्ध अविश्वास प्रस्ताव लैजाने यस्तो अनैतिक नेतृत्वलाई कसरी साथ दिन सकिन्छ भन्दै रायमाझीले आफनो भनाई राख्नु भएको छ । बैठकमा अन्य वक्ताहरुले आफनो घारणा राखिरहेका छन् ।
