नयाँ दिल्ली । क्रिकेटमा स्पट फिक्सिङको चर्चा नौलो होइन तर खेलाडीले अगाडि आएर यी कुराहरू स्वीकार गर्नु अचम्मको कुरा हो । त्यो पनि जब ब्याट्सम्यानको नाममा १० हजारभन्दा बढी अन्तर्राष्ट्रिय रन छ । जिम्बाब्वेका स्टार क्रिकेटर ब्रेन्डन टेलरको यस्तो खुलासाले खेल जगत्मा हलचल मच्चाएको छ । फलस्वरूप अन्तर्राष्ट्रिय क्रिकेट काउन्सिल (आईसीसी) ले स्पट फिक्सिङको लागि १५ हजार डलर लिएकामा उनलाई प्रतिबन्ध लगाएको छ।
ट्विटरमा लामो पोस्ट लेख्दै उनले एक भारतीय व्यापारीले आफूलाई कोकिन ड्रग्स लिइरहेको भिडियो बनाए र त्यसपछि स्पट फिक्सिङका लागि ब्ल्याकमेल गर्न थालेको खुलासा गरेका छन् । त्यसो नगरे ती व्यापारीले भिडियो भाइरल गर्ने धम्कीसमेत दिने गर्थे। तर टेलरका अनुसार उनले त्यो फिक्सरको कुरा कहिल्यै सुनेनन् र सबै खेल इमानदारीपूर्वक खेले ।
यो कुरा अक्टोबर २०१९ को हो जतिबेला ब्रेन्डन टेलर जिम्बाब्वेमा हुने प्रायोजन सम्झौता र टि–२० प्रतियोगिताबारे छलफल गर्न भारत आएका थिए।
