काठमाडौँ । नेकपा (एमाले)का सांसद योगेश कुमार भट्टराईले प्रधानमन्त्री समेत रहेका नेकपा माओवादी केन्द्रका अध्यक्ष पुष्पकमल दाहाल प्रचण्डलाई स्वर्ग जाँदा सँगै जाने भन्दै ढुक्क भएर बस्न आग्रह गरेका छन् ।
शुक्रवार प्रतिनिधि सभा बैठकमा बोल्दै सांसद भट्टराईले यस्तो प्रतिक्रिया दिएका हुन् ।
आफ्नो पार्टीका अध्यक्ष केपी शर्मा ओलीले ‘स्वर्ग गएपनि नर्क गएपनि संँगै जाने’ भनेको कुरालाई प्रचण्डले बुझ्न नसकेको जिकिर गरे ।
एमाले सचिवसमेत रहेका योगेशले भने, ‘तपाईं पनि यही हलभित्रै हो । हामी सबै हो । हाम्रो अध्यक्षले स्वर्ग गएपनि सँगै, नर्क गएपनि सँगै भनेको त्यो हो । तपाईंको पदका लागि भनेको होइन । सँगै जाऔँला नि भनेका हौँ । नर्क जाँदै जाँदैनौँ ।,’
‘स्वर्ग जाँदा पनि सँगै लान्छौँ । यति कुरा ढुक्क हुनुहोला । तपाईंलाई छुट्न दिँदैनौँ । तपाईंलाई छुटेर पनि अन्त जाने ठाउँ छैन । त्यो पनि ख्याल गर्नुहोला ।’ उनले अगाडि भने – ‘अर्को अर्थमा बुझ्नुभएछ । तपाईंले बुझ्नुभएछ त के गर्ने ? न नबुझ्ने तपाईंको दोष हो । यदी नबुझेको भए फेरि सोधेको भए हुन्थ्यो । बुझेजस्तो गर्नुभयो, खास बुझ्नुभएको रहेनछ ।,’
