काठमाडौं । नेकपा (एमाले)का सांसद योगेशकुमार भट्टराईले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ प्रधानमन्त्री बन्नुमा एमाले–कांग्रेस दलको भूमिका रहेको बताएका छन् ।
शुक्रबार बसेको प्रतिनिधिसभा बैठकमा भाग लिँदै पार्टी सचिवसमेत रहेका एमाले सांसद भट्टराईले यस्तो टिप्पणी गरेका हुन् ।
“संसद्मा, संविधानमा माओवादीको योगदान छ । छैन भन्दिनँ तर, जति योगदान छ, त्यति पाइसक्यो माओवादीले । हामीले प्रचण्ड कमरेडको व्यक्तित्व हेरेर बढी पनि दिएको हो । उहाँ प्रधानमन्त्री बन्नुमा कांग्रेस एमालेकै हात छ ।”
यस्तै, उनले माओवादी केन्द्रले लगानीभन्दा बढी नाफा खोजेको प्रतिक्रिया समेत दिए ।
“मलाई लागेको छ । कतै माओवादीले लगानीभन्दा बढी नाफा खोजेको हो कि ?,” भट्टराईले भने, “लगानीभन्दा नाफा कहिल्यै पाइँदैन ।”
