एजेन्सी । टी–२० क्रिकेट विश्वकप जितेपछि भारतीय टोलीमा पैसा र पुरस्कारको भारी वर्षा भएको छ ।
बीसीसीआईले घोषणा गरेको १२५ करोड रुपैयाँ पुरस्कार राशिमध्ये १५ खेलाडीले ५–५ करोड रुपैयाँ पाउनेछन् ।
रोचक कुरा के छ भने ५–५ करोड रुपैयाँ पाउने १५ खेलाडीमध्ये एउटा पनि खेल नखेल्ने तीनजना अनुहार छन् ।
मुख्य प्रशिक्षक राहुल द्रविडलाई पनि कुल पुरस्कार राशिमध्ये ५ करोड रुपैयाँ पुरस्कार दिइनेछ ।
‘द इन्डियन एक्सप्रेस’ को रिपोर्ट अनुसार कोर कोचिङ ग्रुपका बाँकी रहेकाले २.५ करोड रुपैयाँ पाउनेछन् ।
टोलीका चार रिजर्भ खेलाडी (रिंकु सिंह, शुभमन गिल, आवेश खान र खलिल अहमद)ले पनि १–१ करोड रुपैयाँ पाउनेछन् ।
यशस्वी जैसवाल, सञ्जु सामसन र युजवेन्द्र चहल टोलीमा थिए तर उनीहरुले एउटा खेल खेलेका थिएनन् । उनीहरुले पनि ५ करोड रुपैयाँ पाउनेछन् ।
