जापानको चिवा स्थित एक हत्या अभियोगमा प्रहरी नियन्त्रणमा रहेका एक नेपाली युवालाई जेल सजाएको फैसला सुनाएको छ । चाइनिज युवतीको हत्या गरेको अभियोगमा १ वर्ष अघि पक्राउ परेका नेपालको मकवानपुर जिल्ला घर भै हाल जापान बस्दै आएका ३२ वर्षीय गिरि थरका युवालाई १८ बर्षको जेल सजाए सुनाइएको हो ।
सन् २०१५ को जुलाई महिना देखि बेपत्ता भएकी युवतीको सब सन् २०१९ को सेप्टेम्बर महिनामा भेटिएको थियो । ति युवतीको सब काठको बाकसमा बन्द गरिएको अबस्थामा पानीजहाजमा भेटिएको प्रहरीले जनाएको छ । सब भेटिएसंगै गिरीलाई प्रहरीले नियन्त्रणमा लिएको थियो । उनीहरु २ जना संगै बस्ने गरेको बुझिएको छ । चिबाको जिल्ला अदालतले १८ बर्षको जेल सजाए सुनाए पनि उनले हत्या स्वीकार गरेका छैनन ।ति युवती कोठामा मृत अबस्थामा भेटिएपछि आफु फस्ने डरले काठमा प्याक गरि पानीजहाजमा लगेर राखेको अदालतमा बयान दिएका छन् ।
'काठको बाकसमा नअटे पछि शरीरका केही अंगहरु काटेको हुँ तर मैले हत्या गरेको होइन' अभियुक्तले अदालतमा दिएको बयानलाइ उदृत गर्दै उनका आफन्तले भने । गिरी सन् २००९ मा बिद्यार्थी भिषामा जापान आए पनि पछिल्लो समय शरणार्थी आबेदन दिएर बसेका थिए । मृतक चाइनिज युवती र अभियुक्त गिरीले एउटै कम्पनीमा काम गर्ने गरेको बताइएको छ । उच्च अदालतले जिल्लाकै फैशला सदर गरेको खण्डमा उनि करिब १७ वर्ष जेल बस्नु पर्नेछ ।
१८ बर्षको जेल सजाय सुनाइएको भएतापनि अनुसन्धान क्रममा थुनामा राखिएको कटौति गर्दा १७ वर्ष जेल बस्नु पर्ने भएको हो । अभियुक्त गिरि भने जिल्ला अदालतको फैसला बिरुद्द उच्च अदालतमा जाने तयारीमा रहेको उनका आफन्तहरुले जानकारी दिएका छन् ।
