काठमाडौँ । पोर्चुगल युरो कप २०२४ को क्वाटरफाइनलमा प्रवेश गरेको छ ।
गएराति भएको खेलमा स्लोभेनियालाई पेनाल्टीमा हराउँदै पोर्चुगलले अन्तिम आठको टिकट काटेको हो ।
निर्धारित समय र अतिरिक्त समयसम्म पनि गोलरहित बराबरी भएपछि खेलको विजेताको टुंगो टाईब्रेकरबाट लागेको हो ।
अतिरिक्त समयको १०५ औं मिनेटमा पोर्चुगलले जित निकाल्ने सुनौलो अवसर गुमायो । क्रिस्टियानो रोनाल्डो पेनाल्टीमा गोल गर्न चुके ।
तर टाइब्रेकरमा पोर्चुगल ३–० ले विजयी बन्यो । स्लोभेनियाका एक खेलाडीले पनि पेनाल्टीमा गोल गर्न सकेनन् । पोर्चुगलबाट क्रिस्टियानो रोनाल्डो, बर्नार्डो सिल्भा र ब्रुनो फर्नान्डेजले गोल गरे ।
अब पोर्चुगलले क्वाटरफाइनलमा फ्रान्ससँग भिड्नेछ ।
