काठमाडौँ । नेपाली कांग्रेसका सभापति शेरबहादुर देउवाले पदाधिकारी र पूर्वपदाधिकारीको बैठक अव्हान गरेका छन् ।
बूढानीकण्ठस्थित आफ्नो निवासमा सोमबार दिउँसो ३ बजे बस्ने गरी बैठक बोलाईएको मुख्यसचिव कृष्णप्रसाद पौडेलले जानकारी दिए ।
बैठकमा शनिबार सभापति देउवा र एमाले अध्यक्ष केपी शर्मा ओलीसँग भएको भेटवार्ताका सन्दर्भमा छलफल हुने बुझिएको छ ।
मुख्यसचिव पौडेलको अनुसार बैठकमा १५ असारदेखि समयावधि सकिएका भातृ संस्था, गठन हुन नसकेका विभाग, केन्द्रीय समिति बैठकको मिति र समसामयिक विषयमा छलफल हुनेछ ।
