काठमाडौँ । राष्ट्रिय प्रजातन्त्र पार्टी (राप्रपा) ले प्रदेश नं १ मा बाहेक अन्य प्रदेशमा राष्ट्रियसभाको निर्वाचनको मतदान प्रक्रियामा भाग नलिने निर्णय गरेको छ ।
पार्टीका अध्यक्ष राजेन्द्र लिङ्देनको अध्यक्षतामा आज बसेको केन्द्रीय पदाधिकारीको बैठकले प्रदेश नं १ मा पार्टीका उम्मेदारहरु अम्बरबहादुर विष्ट र रञ्जु प्याकुरेललाई मतदान गर्न पार्टीका तर्फबाट प्रतिनिधित्व गर्ने मतदाताहरुलाई मतदान प्रक्रियामा सहभागी हुन निर्देशन दिने निर्णय गरेको छ ।
बैठकले अन्य प्रदेशमा पार्टीका तर्फबाट कोही पनि उम्मेदवार नभएकाले मतदान प्रक्रियामा सहभागी नहुन पार्टीको तर्फबाट प्रतिनिधित्व गर्ने मतदाताहरुलाई निर्देशन दिइएको पार्टीका महामन्त्री भुवन पाठकले एक विज्ञप्ति जारी गरी बताउनुभएको छ ।
