काठमाडौँ । अभिनेता तथा निर्माता दीपकराज गिरीले एक टेलिभिजन कार्यक्रमको पछिल्लो एपिसोडमा उठाइएको विषयप्रति कटाक्ष गरेका छन् ।
कान्तिपुर टेलिभिजनको ‘इट्स माई शो’मा कार्यक्रमकी सञ्चालिकाले सोधेको प्रश्न र अतिथि अभिनेत्रीहरु स्वस्तिमा खड्का र साम्राज्ञी राज्यलक्ष्मी शाहले दिएको जवाफलाई लिएर अहिले सामाजिक सञ्जालमा तीव्र आलोचना भइरहेको छ ।
यसै विषयमा गिरीले सामाजिक सञ्जालमार्फत कटाक्ष गरेका हुन् । उनले ‘वार्तासँग होइन अन्तर्वार्तासँग डर लाग्छ’ भन्दै हिन्दीमा एक स्टाटस लेखेका छन् – बार्ता से डर नहीं लगता है साहेब !
अन्तरवार्ता से डर लगता है !!
टिभी कार्यक्रममा आफ्नो व्यक्तिगत विषय उठाइएको भन्दै अभिनेत्री जसिता गुरुङले आपत्ति जनाइसकेकी छन् ।
यस्तै, उक्त टिप्पणीलाई लिएर अभिनेत्री स्वस्तिमा खड्का र साम्राज्ञी राज्यलक्ष्मी शाहले माफी मागिसकेका छन् भने अभिनेता अनमोल केसी पनि जसिताको पक्षमा उभिएका छन् ।
यो पनिः ‘इट्स माई शो’ विवादमा सुरजसिंह ठकुरीले भने– ‘मेरो २३ वर्षको समर्पण, ब्रान्ड ध्वस्त भयो’
