काठमाडौँ । युरो २०२४ अन्तर्गत आज मंगलबार चार खेलहरु हुँदैछन् । समूह सी र डी का टोलीहरुबीच प्रतिस्पर्धा हुन लागेको हो ।
पहिले समूह डी का खेलहरु हुनेछन् । फ्रान्स र पोल्यान्ड तथा नेदरल्यान्ड्स र अष्ट्रिया आमनेसामने हुँदैछन् । दुबै खेल राति पौने १० बजे सुरु हुनेछ ।
समूह डी मा नेदरल्यान्ड्स ४ अंकसहित शीर्षस्थानमा रहँदा फ्रान्स समान अंक भएपनि दोस्रो स्थानमा छ । यस्तै, अष्ट्रिया ३ अंकसहित तेस्रो स्थानमा रहँदा पोल्यान्ड अंकबिहिन रहँदै प्रतियोगिताबाट बाहिरिइसकेको छ । सबै टोलीको आज समूह चरणको अन्तिम खेल हो ।
यस्तै, आज मध्यरातमा समूह सी का डेनमार्क र सर्बिया तथा इंग्ल्यान्ड र स्लोभेनिया भिड्दैछन् । दुबै खेल मध्यरातमा पौने १ बजे सुरु हुनेछ ।
४ अंकसहित इंग्ल्यान्ड अंकतालिकाको शीर्षस्थानमा छ भने डेनमार्क २ अंकसहित दोस्रो तथा समान २ अंक जोडेको स्लोभेनिया तेस्रो स्थानमा रहँदा सर्बिया १ अंकसहित पुछारमा छ ।
