काठमाडौँ । युरो २०२४ अन्तर्गत आज शुक्रबार समूह चरणका तीन खेलहरु हुँदैछन् ।
पहिलो खेल स्लोभाकिया र युक्रेनबीच हुनेछ । यो खेल साँझ ६ः४५ बजे सुरु हुनेछ । यसअघि पहिलो खेलमा पराजय बेहोरेको युक्रेनका लागि आजको खेल महत्वपूर्ण रहेको छ । यता, पहिलो खेलमा जित निकालेको स्लोभाकिया लगातार दोस्रो जित निकाल्दै नकआउट चरणमा प्रवेश गर्न चाहन्छ ।
यस्तै आज राति पोल्यान्ड र अष्ट्रियाबीच भिडन्त हुँदैछ । यो खेल राति ९ः४५ बजे सुरु हुनेछ । समूह डी मा रहेका दुबै टोली यसअघिका खेलमा पराजित भएका थिए । त्यसकारण दुबै टोलीलाई आजको खेलमा जित निकाल्नु निकै महत्वपूर्ण रहेको छ ।
यस्तै आज मध्यरातमा समूह डी कै दुई टोली फ्रान्स र नेदरल्यान्ड्स आमनेसामने हुँदैछन् । दुई टोलीबीचको खेल राति १२ः४५ बजे सुरु हुनेछ । दुबै टोलीले पहिलो खेलमा जित निकालेका थिए । आजको खेल जितेर दुबै टिम नकआउट चरणमा प्रवेश गर्न चाहन्छन् । यसअघि अष्ट्रियासँगको खेलमा घाइते भएका फ्रेन्च स्टार किलियन एमबाप्पे आजको खेलमा उपलब्ध हुने सम्भावना छ ।
