एजेन्सी । अभिनेता अभिषेक बच्चनले मुम्बईमा १५ करोडको ६ वटा अपार्टमेन्ट किनेका छन् । अभिनेताले यो लगानी बारिवलीको ओबेरोय स्काई सिटी प्रोजेक्टमा गरेका हुन् ।
यी ६ वटा अपार्टमेन्टको संयुक्त क्षेत्रफल ४ हजार ८९२ स्क्वायर फिट रहेको छ, जसलाई अभिनेताले ३१ हजार ४९८ रुपैयाँ प्रति वर्गफुटमा खरिद गरेका छन् ।
मनी कन्ट्रोलको प्रतिवेदनका अनुसार यो बिक्री सम्झौता मे महिनामा भएको हो । यी सबै ६ वटा अपार्टमेन्ट बोरिवली पूर्वमा वेस्टर्न एक्सप्रेस हाइवे छेउमा रहेको भवनको ५७ औं तलामा छन् । दर्ता कागजातहरूले देखाउँछ कि छवटा अपार्टमेन्टहरू मे २८, २०२४ मा दर्ता भएका थिए, जसमा १० कार पार्किङ सुविधा रहेको छ ।
यी छवटा अपार्टमेन्टमध्ये दुई वटा २५२ स्क्वायर फीट आकारका छन्, जबकि दुईवटा अपार्टमेन्ट लगभग १,१०० वर्ग फिटमा फैलिएका छन् । बाँकी दुई अपार्टमेन्टहरू १०८४ वर्ग फिटमा फैलिएका छन् ।
अभिषेकले ओबेरोय रियल्टी अपार्टमेन्टमा पनि लगानी गरिसकेका छन् । २०२१ मा, उनले ओबेरोय रियल्टीको प्रोजेक्ट ुओबेरोय ३६० वेस्टु को वर्ली, मुम्बईमा ४५.७५ करोडमा एउटा अपार्टमेन्ट बेचे ।
उनले यो अपार्टमेन्ट सन् २०१४ मा ४१ करोड रुपैयाँभन्दा बढीमा किनेका थिए । अहिले उनले सोही डिलरबाट करिब १५ करोडमा ६ वटा अपार्टमेन्ट किनेका छन् ।
कामको कुरा गर्दा हालै रिलिज भएको ‘घुमर’ मा अभिषेक क्रिकेट प्रशिक्षकको भूमिकामा देखिएका थिए । उनको आगामी फिल्म ‘बी ह्याप्पी’ हो । यसबाहेक उनी निर्देशक सुजित सरकारको अनटाइटल फिल्ममा पनि देखिनेछन् ।
