काठमाडौं । रसुवाको भोटेकोशी नदीमा बुधबार बिहान एक्कासि ठूलो बाढी आएको छ। बिहान करिब सवा ९ बजेतिर तिब्बततर्फबाट ठूलो बाढी आएको जानकारी प्राप्त भएको स्थानीय प्रशासनले जनाएको छ।
रसुवाका सम्बन्धित अधिकारीका अनुसार बाढीबाट भएको क्षतिको विवरण भने अहिलेसम्म यकिन हुन सकेको छैन। क्षतिको विवरण संकलन तथा घटनाबारे थप जानकारी लिने काम भइरहेको बताइएको छ।
भोटेकोशी नदीमा आएको ठूलो बाढीका कारण रसुवासहित नुवाकोट, धादिङ, गोरखा र चितवन हुँदै बग्ने नदी तथा खोलाका तटीय क्षेत्रमा बसोबास गर्ने नागरिकलाई सतर्कता अपनाउन आग्रह गरिएको छ।
अचानक नदीको बहाव बढ्न सक्ने भएकाले तटीय क्षेत्रका बासिन्दालाई सुरक्षित रहन तथा नदी किनारमा नजान आग्रह गरिएको छ।
