चितवन । जिल्लाको कालिका नगरपालिका ६ खोलेसिमलस्थित सुनचाँदी पसलमा हतियार देखाएर लुटपाट भएको छ ।
शनिबार राती ८:४० बजे विनोद सुनारको सुनचाँदी पसलमा हतियार देखाएर लुटपाट गरिएको चितवन प्रहरीले जनाएको छ ।
लुटपाट गर्ने समूहले ३५ किलो चाँदी, ३ किलो सुन र दुई लाख रुपियाँ लुटेर लगेको जिल्ला प्रहरी कार्यालय चितवनका डिएसपी श्रीराम भण्डारीले जनाए ।
पसल बन्द गर्न लाग्दा समुहमा आएका लुटेराले पेस्तोल देखाएर लुटपाट गरेको र सुन पसलमा जडान गरिएको सिसिटिभिको डिस समेत खोलेर लगेको डिएसपी भण्डारीले बताए ।
प्रहरीले लुटपाटमा संलग्न रहेको आशंकामा ४ जनालाई पक्राउ गरि अनुसन्धान गरिरहेको छ ।
