काठमाडौँ । जनता समाजवादी पार्टीका अध्यक्ष अशोककुमार राईले नयाँ बजेट परम्परागत भन्दा नयाँ रहेको प्रतिक्रिया दिनुभएको छ ।
उहाँले बजेटले मुलुकको उत्पादन र रोजगारी वृद्धि गर्ने सम्बन्धमा नयाँ नयाँ प्रश्तावहरु ल्याएको बताउनु भयो । उहाँले पुरानोदेखि चलि आएका राष्ट्रिय महत्वका योजनाहरु अघि बढाउने र तिनीहरुलाई सम्पन्न गर्नेदेखि नयाँ ढंगले आफ्नो मुलुकको परम्परागत प्रविधिलाई विकास गरी औद्योगीकरण गर्दै लैजाने काम बजेटमा उल्लेख भएको बताउनु भयो । बजेट बजेटका रुपमा मात्रै नआएको भन्दै उहाँले बजेट कार्यान्वयन गर्ने संयन्त्रहरुलाई मैत्रीपूर्ण बनाउने ढंगले आएको बताउनु भयो ।
उहाँले भन्नुभयो, ‘नयाँ बजेट परम्परागत भन्दा नयाँ नै छ । यसले मुलुकको उत्पादन र रोजगारी वृद्धि गर्ने सम्बन्धमा नयाँ नयाँ प्रश्तावहरु लिएर आएको छ । पुरानोदेखि चलि आएका राष्ट्रिय महत्वका योजनाहरु अघि बढाउने र तिनीहरुलाई सम्पन्न गर्नेदेखि नयाँ ढंगले आफ्नो मुलुकको परम्परागत प्रविधिलाई विकास गरी औद्योगीकरण गर्दै लैजाने काम गरेको छ ।’
नेता राईले नारीलाई विकास, राजनीति र उत्पादनको क्षेत्रमा प्रभावकारी बनाउने ढंगले बजेट आएको बताउनु भयो । उहाँले बजेट कार्यान्वयन हुनेमा विश्वस्त रहेको बताउनु भयो ।
