काठमाडौँ । अख्तियार दुरुपयोग अनुसन्धान आयोगले खानी तथा भूगर्भ विभागका महानिर्देशक रामप्रसाद घिमिरे र उपमहानिर्देशक जयराज घिमिरेसहित १८ जना विरुद्ध विशेष अदालतमा मुद्दा दायर गरेको छ ।
आयोगले खनिज पदार्थ उत्खननमा अनियमितता गरेको आरोपमा महानिर्देशक घिमिरे, उपमहानिर्देशक तथा प्रवक्ता जयराज घिमिरे तथा ९ वटा कम्पनीका सञ्चालकसहित १८ जना विरुद्ध मुद्दा दायर गरेको हो ।
आयोगले उनीहरुविरुद्ध रु एक अर्ब २४ करोडभन्दा बढी रकम बिगोसहित विशेष अदालतमा मुद्दा दर्ता गरेको हो । अख्तियारमा चुनढुङ्गा उत्खननमा अनियमितता भएको आशङ्का रहेको भनी उजुरी परेपछि आयोगले अनुसन्धान अगाडि बताएको थियो । अख्तियारले खानी सञ्चालकसँग मिलेर कर्मचारीले प्राकृतिक स्रोतसाधन दोहनमा सघाएको ठहर गरेको छ ।
