काठमाडौँ । नेपाली कांग्रेसका नेता प्रकाशमान सिंह उपचारका लागि भारतको राजधानी दिल्ली प्रस्थान गरेका छन् ।
शुक्रबार दिउँसो नेता सिंह प्रोस्टेटको उपचारका लागि दिल्ली गएका हुन् ।
वीर अस्पताल तथा अन्य अस्पतालमा कार्यरत विशेषज्ञ डाक्टरको सल्लाह बमोजिम थप उपचारका लागि दिल्ली गएको उनको सचिवालयले जनाएको छ । नेता सिंह यसअघि पनि वैशाख १२ गते दिल्ली गएका थिए ।
उपचारका क्रममा प्रोस्टेट पुष्टि भएपछि अप्रेसनका लागि सिंह शुक्रबार दिल्ली उडेका छन् । सिंह शनिबार अस्पताल भर्ना हुने र २१ गते उनको अप्रेसन हुने उनको सचिवालयले जनाएको छ ।
