जनकपुरधाम । कान्तिपुर मिडिया ग्रुपका अध्यक्ष कैलाश सिरोहियालाई जिल्ला अदालत धनुषामा उपस्थित गराइएको छ ।
मंगलबार पक्राउ परेका सिरोहियालाई म्याद थपका लागि अदालत लगिएको हो ।
जिल्ला अदालत आसपास बाक्लो संख्यामा प्रहरी परिचालन गरिएको छ । त्यहाँको सुरक्षा व्यवस्था निकै कडा पारिएको छ ।
नागरिकता कीर्ते सम्बन्धी कसुरमा जिल्ला अदालते उनलाई पक्राउ गर्न मंगलबार अनुमति दिएको थियो । मंगलबार नै प्रहरीले सिरोहियालाई थापाथलीस्थित कान्तिपुर कार्यालयबाटै पक्राउ गरेको थियो ।
सिरोहियाले फरक–फरक नम्बरका नागरिकताहरु प्रयोग गरिरहेको भन्दै छानबिन गर्न प्रहरीमा जाहेरी परेको हो ।
