एजेन्सी । ‘द कश्मीर फाइल्स’सँगै रिलिज भएको साउथ सुपरस्टार प्रभास र अभिनेत्री पूजा हेगडेको फिल्म ‘राधे श्याम’ले बक्स अफिसमा खासै व्यापार गर्न सकेको छैन ।
फिल्मले चार दिनमा विश्वभर १६५.१८ करोडको कलेक्सन गरेको छ ।
तर फिल्मको हिन्दी संस्करणले दर्शकलाई हलमा तान्न सकेन । सुरुका दिनहरूमा राधे श्यामले आन्ध्र प्रदेश र तेलंगानाको बक्स अफिसमा धुम मच्चाएको थियो । तर दिन बित्दै जाँदा चलचित्रको कमाई घट्दै गएको छ ।
राधे श्याम ११ मार्चमा तेलुगु, तमिल, मलयालम, कन्नड र हिन्दी गरी पाँच भाषामा रिलिज भएको थियो । चलचित्रले सोचे अनुसार कमाई गर्न सकेको छैन ।
फिल्मले तेलुगु राज्यमा ३७.९१ करोड रुपैयाँको ओपनिङ गरेको थियो । त्यसपछि दोस्रो, तेस्रो र चौथो दिन फिल्मले क्रमशः १९.२८ करोड, १६.५ करोड र ३.५८ करोड कमाएको थियो । उत्तर भारत, कर्नाटक र तमिलनाडु लगायतका अन्य राज्यहरूमा पनि फिल्मको सङ्कलन प्रभावशाली छैन ।
अर्थात् प्रभासको फिल्मले भारतमा १०० करोडको आँकडा पूरा गर्न सकेको छैन । राधे श्यामले बक्स अफिसमा कुल ९७.७ करोड कमाएको छ । राज्यमा फिल्मको प्रदर्शनको कुरा गर्ने हो भने राधे श्यामको पाँच दिनमा तेलुगु संस्करणले ७९.०१ करोड, हिन्दी संस्करणले १७.५१ करोड, तमिल संस्करणले १.११ करोड र मलायालम संस्करणले ०.०७ करोड मात्रै कलेक्सन गरेको छ ।
