काठमाडौं । विपक्षी मोर्चाले संसदीय समितिको टिओआरमा सहमति नजुटेसम्म प्रतिनिधिसभा बैठक सञ्चालन नगर्न आग्रह गरेको छ ।
राप्रपा प्रमुख सचेतक ज्ञानेन्द्र शाहीले टीओआरमा सहमति नभएसम्म बैठक नचलाउन सभामुख देवराज घिमिरेलाई आग्रह गरेका हुन् । विपक्षीको यस्तो आग्रहसँगै ११ बजेका लागि तय भएको बैठक तत्कालका लागि अनिश्चित बनेको छ ।
छानबिन समिति गठन सम्बन्धी कार्यदलले टीओआरमा सहमति जुटाउने प्रयास गरिरहेको छ ।
कार्यदलमा सहमति जुटाउनका लागि कांग्रेस प्रमुख सचेतक रमेश लेखक पनि सिंहदरबार लागेका छन् । यसअघि ज्ञानेन्द्र कार्की पनि बैठकमा थपिएका थिए ।
