काठमाडौँ । क्रिकेटर सन्दीप लामिछानेको मुद्दा ‘हेर्न नमिल्ने’ सूचीमा परेको छ ।
पाटन उच्च अदातदतका मुख्य न्यायाधीश नृपध्वज निरौला र दुर्गाप्रसाद ढुङगेलको इजलासमा तोकिएको पेशी हेर्न नमिल्ने सूचीमा परेको हो ।
पेसी सूचीको पहिलो नम्बरमा परेको उक्त मुद्दाको सुनुवाइ मुख्य न्यायाधीश निरौलाले हेर्न नमिल्ने भन्दै पन्छाएका हुन् ।
यसअघिको सुनवाइमा मुख्य न्यायाधीश निरौलाले झझी (झगडिया झिकाउने) आदेश दिएका थिए । सामान्यतया झझी आदेश दिने न्यायाधीशले स्वार्थ बाझिने भन्दै मुद्दाको सुनुवाइ गर्न नमिल्ने अभ्यास छ ।
