काठमाडौं । प्रतिनिधि सभा विघटनविरुद्धको रिट माथि सर्बोच्च अदालतको सबैधानिक ईजलासमा सुनुवाई सुरु भएको छ । रिट निबेदकका तर्फ बाट बिहिबार सुरुबाति बहस गर्दै अधिबक्ता ओमप्रकाश अर्यालले सर्बोच्च अदालतले तत्काल संसद सुचारु गर्न आदेश दिनु पर्ने माग गर्नुभयो ।
बहसका क्रममा अधिवक्ता अर्यालले संसद् सुचारु गर्न राष्ट्रपति, प्रधानमन्त्री र सभामुखको नाममा परमआदेश जारी गर्न माग गर्नुभएको हो । उहाले भन्नुभयो संसद विघटनको निर्णय राजपत्रमा प्रकाशित भएको छैन तसर्थ निर्णय फिर्ता लिने ठाउ छ । प्रधानमन्त्रीको निर्णय सबिधान बिपरित भएको दाबी गर्दे अर्यालले प्रधानमन्त्रीको कदमलाई सर्बोच्च अदालतले सच्चाउनु पर्ने बताउनु भयो ।
बहसका क्रममा अधिबक्ता अर्थालले संसद विघटन गरे संविधान नै असफल हुने चेतावनी दिदै जनप्रतिनिधिले सार्वभौम सत्ताको अभ्यास गर्न पाउने अधिकार सर्बोच्चले सुनिश्चितता गर्नुपर्ने बताउनु भयो ।
