• १२ असार २०८१, बुधबार
  •      Wed Jun 26 2024
  •   Unicode
Logo
Latest
★   भेडीगोठले बुकीमा चहलपहल, बेंसी सुनसान ★   एसिया कप खेल्ने नेपाली टोलिको घोषणा ★   मनीताले पेरिस ओलम्पिक खेल्ने ★   इच्छाकामना गाउँपालिकाद्वारा तीनवटा कृषि एम्बुलेन्स सञ्चालन ★   अन्य थप ऐन संशोधनलाई प्राथमिकता दिन काँग्रेसलाई निजी क्षेत्रको सुझाव ★   नारायणगढ–मुग्लिन सडकमा पहिरो पन्छाउन उपकरण ★   कला, संस्कृतिसहितको पहिचान नै भावी पुस्ताको महत्वपूर्ण सम्पत्ति होः राष्ट्रपति पौडेल ★   स्वस्तिमा–साम्राज्ञीको अभिव्यक्ति गैर जिम्मेवारपूर्णः चलचित्र कलाकार संघ ★   नेपाल आँखा अस्पतालमा स्वास्थ्य बीमा सेवा लागू हुने ★   एकीकृत समाजवादीको अध्यक्षमा झलनाथ खनालले घनश्यामलाई सहयोग गर्ने

टी–२० विश्वकपका लागि बटलरको कप्तानीमा इंग्ल्याण्डको टोली घोषणा



एजेन्सी । इंग्ल्याण्डले २०२४ को टी–२० विश्वकपका लागि १५ सदस्यीय टोलीको घोषणा गरेको छ । मंगलबार इङ्ल्यान्ड क्रिकेट बोर्डले आफ्नो प्रारम्भिक टोलीको घोषणा गरेको हो ।

जसमा फास्ट बलर जोफ्रा आर्चर लामो समयपछि टोलीमा फर्किएका छन् । टी–२० विश्वकप जुन १, २०२४ देखि वेस्ट इन्डिज र अमेरिकामा आयोजना हुँदैछ ।

इंग्ल्याण्डले यस मेगा इभेन्टका लागि आफ्नो टोली घोषणा गरेको छ, जसमा जोस बटलरलाई टोलीको कमाण्ड दिइएको छ भने जोफ्रा आर्चर र क्रिस जोर्डन टोलीमा फर्किएका छन् । यसमा सहभागी सबै इंग्ल्याण्ड खेलाडीहरूले मे महिनामा पाकिस्तान विरुद्धको चार खेलको टी–२० आई शृंखलामा भाग लिनेछन् ।

पाकिस्तानी टोलीसँग इंग्ल्याण्डले आफ्नो अन्तिम टी–२० मे ३० मा खेल्नेछ । त्यसपछि इंग्ल्याण्डको टोली विश्वकप खेल्न अमेरिका–वेस्ट इन्डिज जानेछ । जोस बटलरको कप्तानीमा रहेको इंग्ल्याण्डको टोलीले जुन ४ मा स्कटल्याण्ड, जुन ८ मा अष्ट्रेलिया, जुन १३ मा ओमान र १५ जुनमा नामिबियासँग खेल्नेछ ।

इंग्ल्याण्डको टोलीः
जोस बटलर (कप्तान), मोइन अली, जोफ्रा आर्चर, जोनी बेयरस्टो, ह्यारी ब्रुक, साम करन, बेन डकेट, टम हार्टले, विल ज्याक, क्रिस जोर्डन, लियाम लिभिङस्टोन, आदिल राशिद, फिल साल्ट, रीस टोपले र मार्क वुड ।