काठमाडौँ । नेकपा एकीकृत समाजवादीको अध्यक्षमा सम्मानित नेता झलनाथ खनालले महासचिव घनश्याम भूसाललाई सहयोग गर्ने भएका छन् ।
पार्टीको महाधिवेशन नजिकिदै गर्दा अध्यक्षको दाबीबाट पछि हटेका खनाल भूसाललाई अध्यक्ष बनाउन सहमत भएका हुन् ।
खनाल निवास डल्लुमा भएको दुई नेताहबीचको भेटमा मिलेर अघि बढ्ने सहमति भएको महासचिव भुसालले बताए । उनले भने, हामीबीच नीति कार्यक्रम सबै मिलेपछि झलनाथजीसँग मिलेर अघि बढ्ने समझदारी भएको छ ।’
छलफलमा खनाल, भुसाल र युवा संघका पूर्वअध्यक्ष नरेशकुमार शाही सहभागी रहेका थिए ।
माधव नेपाल अध्यक्षमा दोहोरिने चाहाना राखिरहेका बेला यसमा सहमति नजुटे नेपाल र भुसालबिच अध्यक्षमा प्रतिस्पर्धा हुने लगभग निश्चित भएको छ ।
