काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले देशको समृद्ध नेपाल र सुखी नेपालीको साझा परिकल्पना हासिल गर्न निजी स्वदेशी तथा विदेशी लगानी आवश्यक रहेको बताउनुभएको छ ।
सोमवार लगानी सम्मेलनको समापन समारोहलाई सम्बोधन गर्दै उहाँले यस्तो बताउनुभएको हो । उहाँले नेपालको विकास र समृद्धिका लागि लगानी गर्न आग्रह गर्नुभयो । उहाँले । लगानी सम्मेलन नेपालका लागि विदेशी लगानी कर्ता भित्र्याउने ठूलो ठाउँ बनेको बताउनु भयो । उहाँले नेपालको विकास प्रक्रियामा लगानी मार्फत योगदान गर्न आग्रह गर्नुभयो । उहाँले पुँजी र प्रविधिको खाडललाई अभिवृद्धि गर्न आवश्यक रहेको बताउनु भयो । नयाँ लगानीबाट उदीयमान नेपाल बनाउनु आजको आवश्यकता भएको बताउनु भयो । उहाँले नेकपा एमाले लगानीमैत्री वातावरण सिर्जना गर्न तयार रहेको पनि बताउनु भयो ।
उहाँले भन्नुभयो, ‘मलाई समापन समारोहमा बोलाएर बोल्ने मौका दिनुभएकोमा धेरै धेरै आभारी छु । तपाईहरु लगानी सम्मेलनका लागि नेपाल आउनुभएकोमा धेरै धेरै धन्यवाद छ । नेपालमा विकासका लागि धेरै काम गर्नुपर्ने आवश्यकता छ । त्यसका लागि निजी क्षेत्रहरुको लगानी अनिवार्य छ । नेपालको विकास र समृद्धिका लागि लगानी गर्न आग्रह गर्दछु । सूचना तथा प्रविधि लगायतका क्षेत्रमा लगानीको धेरै ठूलो माहोल छ । लगानी सम्मेलन नेपालका लागि विदेशी लगानी कर्ता भित्र्याउने ठूलो ठाउँ पनि हो । देशको विकासमा सबै राजनीतिक दलहरु एक भएर जिम्मेवारीलाई पूरा गर्नुपर्छ । नेपालको विकास प्रक्रियामा लगानी मार्फत योगदान गर्न इच्छुकहरुले लगानी गरेर विकासमा सहयोग गर्न सक्नुहुनेछ । प्रविधिको स्थानान्तरण र व्यापारको कुशल व्यवस्थापन अभ्यासहरू नेपालमा गर्न सकिन्छ । समृद्ध नेपाल र सुखी नेपालीको साझा परिकल्पना हासिल गर्न निजी स्वदेशी तथा विदेशी लगानी र पुँजी र प्रविधिको खाडललाई अभिवृद्धि गर्ने हाम्रो उद्देश्य हो । नयाँ लगानी प्रविधिसहित उदीयमान नेपाल बनाउनु आजको आवश्यकता हो । यसमा सबैले हातेमालो गर्न जरुरी छ । नेकपा एमाले लगानीमैत्री वातावरण सिर्जना गर्न तयार छ ।’
अध्यक्ष ओलीले वर्तमान सरकार परिणाममुलक काम गर्ने स्पष्ट खाकासहित अगाडि बढेको उल्लेख गर्दै यसले सन् २०३० सम्ममा नेपाललाई अल्पविकसित मुलुकबाट स्तरोन्नति गर्ने लक्ष्य लिएको बताउनु भयो । निर्धक्क भएर नेपालको समृद्धिको यात्रामा सघाउन र लगानी गर्न आग्रह गर्नुभयो ।—न्युज एजेन्सी नेपाल
