एजेन्सी । टिभी शो ‘तारक मेहता का उल्टा चश्मा’ मा रोशन सिंह सोधीको भूमिका निभाएका अभिनेता गुरचरण सिंह ६ दिनदेखि बेपत्ता छन् ।
उनका बुबाको उजुरीपछि, दिल्ली पुलिसले अपहरणको मुद्दा दर्ता गरेको छ र ५० वर्षीय अभिनेताको खोजी गरिरहेको छ ।
प्रारम्भिक अनुसन्धानमा अभिनेताले छिट्टै विवाह गर्ने पक्का भएको छ । यति मात्र होइन, उनी आर्थिक संकटसँग जुधिरहेका छन् ।
गुरुचरणले अप्रिल २२ मा एटिएमबाट ७ हजार रुपैयाँ निकालेपछि उनको फोन स्वीच अफ भएको प्रहरीले जनाएको छ । उनको अन्तिम लोकेशन दिल्लीको पालममा रहेको उनको घरबाट केही किलोमिटर टाढा भेटिएको थियो ।
यसबाहेक प्रहरीले पालम इलाकाबाट केही सीसीटीभी फुटेज पनि पाएको छ जसमा अभिनेता झोला लिएर सडक पार गरिरहेको देखिन्छ ।
गुरुचरण सिंह ‘तारक मेहता का उल्टा चश्मा’को स्थापनादेखि २०१३ सम्मको एक हिस्सा रहे । पछि निर्माता असित मोदीसँगको केही विवादका कारण उनले शो छाडेका थिए ।
