• २५ जेष्ठ २०८१, शुक्रबार
  •      Fri Jun 7 2024
  •   Unicode
Logo
Latest
★   पाकिस्तान भर्सेस अमेरिकाः नाम अमेरिका, जिताउने ‘भारतीय’ ★   विश्वकप छनोटः नेपाल यूएईसँग ४–० ले पराजित ★   मधेसमा सतिश सिंह मुख्यमन्त्री बन्दै, सपथ आजै ★   गठबन्धनमा खटपट : बजेटमा असन्तुष्ट एमाले मन्त्री फेर्नसमेत असहमत ! ★   टी–२० विश्वकपः पाकिस्तान पहिलो पटक आईसीसीको पूर्ण सदस्य नभएको टोलीसँग पराजित ★   नेसनल चेस च्याम्पियनसिप; खुल्लातर्फ राजन सुवेदी र महिलातर्फ सिन्दिरा जोशी च्याम्पियन ★   रातारात धन कमाउने चाहनाले समाजमा अपराध  बढ्यो  ★   साउदीमा हजयात्रीलाई हैरानी, हज समितिले शुल्क लियो सुविधा दिएन हाजीहरुलाई थर्काउने गरेको पूर्व सांसदको गुनासो ★   मन्त्रिपरिषद् बैठक: भारत र अमेरिकासहित ११ देशका राजदूतलाई फिर्ता बोलाउने निर्णय ★   त्रिभुवन विमानस्थलको धावन मार्गमा फेरि खाल्डो पर्‍यो, उडान र अवतरण बन्द

जब वडाध्यक्ष नै लामाटारका जेष्ठ नागरिक लिएर धार्मिक तीर्थाटनमा गए…(फोटो फिचर)



ललितपुर, १६ बैशाख । महालक्ष्मी नगरपालिका वडा नं ९ का वडाध्यक्ष जयकृष्ण बोगटी आफैं गत शुक्रबार सो वडाको लामाटारका ९४ जना ज्येष्ठ नागरिकहरूलाई लिएर प्रसिद्ध धार्मिक स्थल सुनसरीको वराह क्षेत्रसहितका धार्मिक स्थलको तिर्थाटनमा पुगेर शनिबार मध्यराती फर्केका छन् ।

६० देखि ७४ वर्ष उमेरका ती जेष्ठ नागरिकको नेतृत्व गर्दै वडाध्यक्ष बोगटीसहितका जनप्रतिनिधि, वडा सचिव र वडाका ६ जना स्वास्थ्य स्वयम्सेविका धार्मिक तीर्थाटनमा सहभागी थिए ।

यसैगरि ज्येष्ठ नागरिकको स्वास्थ्यप्रति संवेदनशील हुँदै ९ नं वडा कार्यालयले प्राथमिक उपचारका औषधिसहित ७ जना स्वास्थ्यकर्मीलाई पनि लिएर गएको थियो ।

स्थानीय निकायको निर्वाचन अघि आफ्नो घोषणापत्रमा उल्लेख गरेको कार्यक्रमलाई व्यवहारिक रुपमै पुरा गर्न चालु आर्थिक वर्ष २०८०/०८१ मा बजेट नै वीनियोजन गरि वडाका जेष्ठ नागरिकलाई धार्मिक तीर्थाटन गराएको वडाध्यक्ष जयकृष्ण बोगटीले प्रष्ट पारे ।

वडा कार्यालयले यसअघि सो वडाका ७५ वर्ष नाघेका २३० जना जेष्ठ नागरिक भव्य कार्यक्रमको आयोजवना गरि सम्मान गरिसकेको छ भने उनीहरुको स्वास्थ्य परीक्षणको लागि नियमित रुपमा वडाका स्वास्थयकर्मीसहितको समूहलाई सक्रियरुपमा परिचालन गरेको छ ।

धार्मिक तीर्थाटनमा सहभागी ज्येष्ठ नागरिकहरुले परिवारका सदस्यले गर्न नसकेको काम वडाका जनप्रतिनिधिले गरेको भन्दै आगामी दिनमा पनि यस्ता कार्यलाई निरन्तरता दिन सुझाव पनि दिए ।
तीर्थाटनका लागि वडाले जेष्ठ नागरिकलाई सिन्धुलीस्थित आदिलिङ्ग कुशेश्वर महादेव मदिीर, सिन्धुलीको कमलामाई मन्दीर, सिन्धुलीको ऐतिहासिक स्थल सिन्धुलीगढीको अवलोकनसहित सुनसरीको वराह क्षेत्रको तीर्थाटन गराएको हो ।

पूर्वी नेपालको सुनसरी जिल्लामा पर्नेवराह क्षेत्र नगरपालिका–१ चतराधाममा गएको चैत २७ गतेदेखि १२ वर्षे पिण्डेश्वर पूर्ण महाकुम्भ मेला लागेको छ ।

सप्तकोशीमा स्नान गर्न, कुम्भको दर्शन गर्न दर्शनार्थी आउने गरेका छन् ।सो क्षेत्रमा हरेक १२ वर्षमा महाकुम्भ मेला तथा हरेक ६ वर्षमा अर्ध कुम्भ मेला लाग्ने गर्दछ । कुम्भ मेलामा सहभागी भएमा पुण्य प्राप्ति हुने जनविश्वास छ ।