काठमाडौं । पूर्वसंस्कृति, पर्यटन तथा नागरिक उड्डयमन्त्री एवम् प्रतिनिधिसभा सदस्य प्रेमबहादुर आलेले गहुँ चूट्ने क्रममा थ्रेसरमा परि गम्भीर घाइते भईएकी डोटीकी एक महिलालाई आर्थिक सहयोग गर्नुभएको छ ।
डोटीको दिपायल सिलगढी नगरपालिका–३ का नारायण साउदकी श्रीमती चनादेवीको गहुँ च्ट्ने क्रममा थ्रेसरमा परि गम्भीर घाइते भएर हाल राष्ट्रिय ट्रमा सेन्टर काठमाडौँमा उपचार भइरहेको छ ।
राष्ट्रिय ट्रमा सेन्टर काठमाडौँमा उपचार गराइरहनुभएकी घाइते महिला साउदको पूर्वमन्त्री आलेले अस्पतालमै गएर स्वास्थ्य अवस्था बुझ्नुका साथै निजको उपचारका लागि २० हजार रुपैयाँ आर्थिक सहयोग गरेको उहाँका स्वकीय सचिव हेमन्त रेग्मीले जानकारी दिनुभयो । घाइते साउदको टाउँकामा चोट लागेको बताइएको छ ।
डोटी लगायत समग्र सुदूरपश्चिमबाट गम्भीर प्रकृतीका बिरामी तथा चोटपटक लागेर घाइते भई उपचारका लागि काठमाडौँ लगायतका ठाउँमा आएकाहरुलाई पूर्वमन्त्री आलेले बिगतदेखि नै उपचारका लागि आर्थिक सहयोग गर्दै आउनुभएको छ ।
पूर्वमन्त्री आलेले बिरामीहरुलाई अस्पतालमै गएर भेट्ने तथा उपचारका लागि आर्थिक सहयोग गर्दै आएका कारण त्यहाँका बिरामी तथा उनीहरुका आफन्तले पूर्वमन्त्री आलेलाई बिरामी भएका विषयमा पहिलो जानकारी दिने गरेका छन् ।
