काठमाडौ । मानब अधिकार तथा शान्ति समाजले बर्तमान सरकारबाट अदालतलाई प्रभाव पार्ने प्रयास भएको भन्दै प्रधानमन्त्री निबास अगाडी प्रर्दशनको प्रयास गरेको छ । सोमबार मध्यान्न भएको प्रर्दशनमा राज्य संयन्त्रको दुरुपयोग भएको, प्रधानमन्त्री तथा मन्त्रीहरुले आपत्तिजनक अभिव्यक्ति दिएको र किर्तेतन्त्र गरेको भन्दै प्रधानमन्त्री निवास वालुवाटार अगाडि प्रदर्शन गरेको छ ।
प्रदर्शनबाट प्रहरीले समाजका संस्थापक सभापति कृष्ण पहाडी, सभापति उत्तम पुडासैनी, संस्थापक सदस्य कृष्ण कँडेल, सचिव बलबहादुर गाहा मगर, कोषाध्यक्ष रामकृष्ण बराल, केन्द्रीय सदस्य नम्रता खरेललाई पक्राउ गरिएको छ ।
यस्तै ललितपुर शाखा सभापति चन्द्रमणी बञ्जारा, काठमाण्डौ शाखा सभापति जगन्नाथ पुडासैनी, अधिकारकर्मीहरु रामचन्द्र खतिवडा, सुरज बोहरा, ईश्वर पुडासैनी, रमेश बराल, पुरुषोत्तम घिमिरे, उमा गौतम, माँया भट्टराई, लक्ष्मी राना, सानु लामा, आर एस महतो, डिकम्बर राणा, भगवान पुडासैनी, किरण ढकाल, रोज विष्ट, किङकङ राई, संजोग राई, मोहीणीप्रसाद आचार्य सहित २६ जनालाई गिरफ्तार गररेको छ ।
