काठमाडौं । सोमबार थप ३३९ जना कोरोना भाइरसका संक्रमित थपिएका छन् । पछिल्लो २४ घण्टामा ४ हजार ४ सय १३ जनाको पिसिआर परिक्षणमा ३३९ जनामा संक्रमण पुष्टि भएको हो ।योसंगै हालसम्म संक्रमित हुनेको कुल संख्या दुई लाख ६९ हजार ७८९ पुगेको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४०१ जना निको भएसंगै कोरोनाबाट निको हुनेको कुल संख्या दुई लाख ६४ हजार ५३८ पुगेको छ।
मन्त्रालयका अनुसार कोरोना संक्रमणबाट सोमबार थप १० जनाको मृत्यु भएसँगै कोरोनाबाट मृत्यु हुनेको संख्या दुई हजार ११ पुगेको छ।
