काठमाडौं । घर पुर्याई दिने भनी शरीर बन्धक गरी राखेर जबरजस्ती करणी गरेको फरार अभियुक्त पक्राउ भएको छ । सिन्धुपाल्चोक जिल्ला स्थित जुगल गा.पा. ४ गुन्टे गाँउ घर भएका २४ वर्ष कैलाश भन्ने रोहन नेपाली पक्राउ परेका हुन् ।
परिवर्तित नाम चौतारालाई २०७७ असोज १५ गते बेलुका ७:०० बजे घर पुर्याई दिने भनी मोटरसाइकलमा राखी लिएर गएको तर घर तर्फ नलगी अपहरण तथा शरीर बन्धक गरी सिन्धुपाल्चोक जिल्ला जुगल गा.पा. ४ स्थित मान्जे भन्ने ठाँउमा लगेर अन्य प्रतिवादीहरूसँग मिलेर उनलाई जबरजस्ती करणी गरेको हो ।
साथै निजले लगाएको गरगहना समेत लुटपाट गरेर फरार भएका अभियुक्तलाई महानगरीय अपराध महाशाखाबाट खटिएको टोलीले काठमाण्डौको कलंकीबाट पक्राउ गरेका छ । अपराध महाशाखाबाट आवश्यक कारवाहीको लागी जिल्ला प्रहरी कार्यालय सिन्धुपाल्चोक पठाईएको छ ।
