• ७ जेष्ठ २०८१, सोमबार
  •      Mon May 20 2024
  •   Unicode
Logo
Latest
★   सिंहदरबार, पार्टी कार्यालय र नेताको घरको फोहोर उठ्दैन – बालेन ★   अहिलेको संसदले संक्रमणकालिन न्यायसम्बन्धि विधेयक पारित गर्दैन: पूर्वसभामुख ढुंगाना ★   कांग्रेस केन्द्रीय कार्यसमिति र संसदीय दलको संयुक्त बैठक बुधबार ★   केकेआरले रच्यो इतिहास, अब तेस्रो उपाधिको पर्खाइमा ★   बाँदरको हैरानी झेल्न नसकेर खास्टेतालपारीका किसान कागतीखेतीमा ★   तेह्र खर्बको आयात, एक खर्ब २६ अर्बको निर्यात ★   नेताहरुको कुर्सी मोहका कारण मुलुक कमजोर अवस्थामा पुग्यो: विप्लव ★   कसैलाई आरोप लगाएको छैन, समाचार सदनमा पढेर सुनाएको हुँ – गृहमन्त्री ★   गेललाई जर्सी उपहार दिँदै कोहलीले भने – काका अर्को सिजन आईपीएलमा फर्किनु ★   कोरियन नागरिकको सहयोगमा विद्यालयमा शौचालय

‘लण्डन डर्बी’मा चेल्सीमाथि आर्सनलको एकतर्फि जित



काठमाडौँ । इंग्लिस प्रिमियर लिग फुटबलमा उपाधि होड रोमाञ्चक बनिरहेको अवस्थामा आर्सनलले शहरी प्रतीद्वन्द्वी चेल्सीविरुद्ध सानदार जित निकालेको छ ।

भर्खरै सम्पन्न ‘लण्डन डर्बी’मा आर्सनलले चेल्सीलाई ५–० गोलले हरायो । घरेलु मैदान इमिरेट्समा आर्सनललाई फराकिलो जित दिलाउन बेन ह्वाइट र काई हाभेट्र्जले २–२ तथा लियान्ड्रो ट्रोसार्डले १ गोल गरे । खेलको चौंथो मिनेटमा नै आर्सनलले ट्रोसार्डको गोलबाट अग्रता लिएको थियो । डेक्लान राइसले दिएको पासमा उनले सुन्दर गोल गरे ।

एकतर्फि बनेको खेलको दोस्रो हाफमा आर्सनलले चेल्सीमाथि थप चार गोल गर्यो । ५२ औं मिनेटमा राइसले प्रहार गरेको बल रिबाउन्स आउँदा मार्कमा रहेका ह्वाइटले गोल गर्दै आर्सनलको अग्रता दोब्बर पारे ।

५७ औं मिनेटमा कप्तान मार्टिन ओडेगार्डले सेन्टर बाट दिएको पासमा हाभेट्र्जले चेल्सीका डिफेन्डर कुकुरेलालाई बिट गर्दै गोल गरे । आर्सनल ३–० ले अघि बढ्यो । हाभेट्र्जले ६५ औं मिनेटमा टोलीका लागि चौंथो तथा व्यक्तिगत दोस्रो गोल गरे । बुकायो साकाले दिएको पासमा चेल्सीका २ डिफेन्डरलाई बिट गर्दै उनले बललाई जाली चुमाए ।

यस्तै, ७० औं मिनेटमा ह्वाइटले व्यक्तिगत दोस्रो तथा टोलीका लागि पाँचौं गोल थपे । ओडेगार्डले उपलब्ध गराएको पासमा उनले वान टचमै गोल गरे । चेल्सीका गोलकिपर डोर्डे पेट्रोभिचले बल सेभ गर्ने कुनै अवसर नै पाएनन् ।

खेलको अन्तिम समयमा आर्सनलले थप एक गोल गर्ने अवसर गुमायो । बैकल्पिक खेलाडी गाब्रियल मार्टिनेलीेले चेल्सीका किपरसँग वान टु वानमा गोल गर्न चुके ।

जितसँगै आर्सनल ३४ खेलबाट ७७ अंकसहित तालिकाको शीर्षस्थानमा छ । एक खेल कम खेलेको लिभरपुल ७४ अंकसहित दोस्रो स्थानमा रहँदा २ खेल कम खेलेको म्यान्चेस्टर सिटी ७३ अंकसहित तेस्रो स्थानमा छ । पराजित चेल्सी ३२ खेलबाट ४७ अंकका साथ नवौं स्थानमा छ ।