काठमाडौं । मंगलबार ३ सय ३ जना कोरोना भाइरसका संक्रमित थपिएका छन् । पछिल्लो २४ घण्टामा ४ हजार ५ सय ७४ जनको पिसिआर परिक्षणमा ३ सय ३ जनामा संक्रमण पुष्टि भएको हो । योसहित हालसम्म संक्रमित हुनेको कुल संख्या दुई लाख ७० हजार ९२ पुगेको छ।
स्वास्थ्य तथा जनसंख्या मन्त्रालयका अनुसार थप २८५ जना निको भएसंगै कोरोनाबाट निको हुनेको कुल संख्या दुई लाख ६४ हजार ८२३ पुगेको छ।
मंगलबार कोरोना भाइरसको संक्रमणबाट थप ६ जनाको मृत्यु भएसँगै कोरोनाबाट मृत्यु हुनेको संख्या दुई हजार १७ पुगेको छ।
