काठमाडौँ । आर्सनल इंग्लिस प्रिमियर लिगको शीर्षस्थानमा उक्लिएको छ । गएराति भएको खेलमा आर्सनलले वल्भ्सलाई उसकै घरेलु मैदानमा २–० गोलले पराजित गर्यो ।
आर्सनललाई जित दिलाउन खेलको ४५ औैं मिनेटमा लियान्ड्रो ट्रोसार्डले र इन्जुरी समयमा (९०+५) मिनेटमा कप्तान मार्टिन ओडेगार्डले गोल गरे ।
जितसँगै आर्सनलको ३३ खेलबाट ७४ अंक रहेको छ । एक खेल कम खेलेको म्यान्चेस्टर सिटी ७३ अंकसहित दोस्रो र लिभरपुल ७१ अंकसहित तेस्रो स्थानमा छ । वल्भ्स ४३ अंकसहित ११ औं स्थानमा छ ।
