काठमाडौं । बुधबार थप २८३ जनामा कोरोना भाइरसको संक्रमण पुष्टि भएको छ। पछिल्लो २४ घण्टामा ४३८२ मा पिसिआर परीक्षण गर्दा २८३ जनामा कोरोना पुष्टि भएसंगै संक्रमित हुनेको कुल संख्या दुई लाख ७० हजार ३७५ पुगेको छ।
स्वास्थ्य तथा जनसंख्या मन्त्रालयले दिएको जानकारी अनुसार बुधबार २४६ जना निको भएर फर्किएसंगै कोरोनाबाट निको हुनेको कुल संख्या दुई लाख ६५ हजार ६९ पुगेको छ।
कोरोना भाइरसको संक्रमणबाट थप ३ जनाको मृत्यु भएसंगै मृत्यु हुनेको संख्या दुई हजार २० पुगेको मन्त्रालयले जनाएको छ।
