• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   कार्यदल बैठक सकारात्मक रुपमा अघि बढिरहेको छ: महेश बर्तौला ★   सिरोहियालाई साधारण तारेखमा छोड्न माग गर्दै जनकपुरका मेयर धर्नामा ★   कार्यदल बैठकमा आज पनि जुटेन सहमति ★   टी-२० सिरिजमा अमेरिकाले दोस्रो खेलमा पनि बंगलादेशलाई हरायो ★   नेपाल प्रहरीले आफ्नो दायित्वलाई कुशलतापूर्वक निर्वाह गर्दै आएको छ: प्रधानमन्त्री ★   संसद् भवनमा विपक्षी दलको बैठक सुरु ★   इजिप्ट र अमेरिकाले बढाए विमानस्थलमा सुरक्षा ★   विद्युत् प्राधिकरण वितरण केन्द्र वीरगञ्जको बक्यौता साढे तीन अर्ब ★   नेपालको समृद्धिका लागि छिमेकीसँग राम्रो सम्बन्ध आवश्यक: डा भट्टराई ★   एकैदिन १८ सय रुपैयाँले घट्यो सुनको मूल्य, कतिमा हुँदैछ कारोबार?

मधेशका मुख्यमन्त्रीले १५ महिनामा आज चौथो पटक विश्वासको मत लिँदै



जनकपुर । मधेश प्रदेशका मुख्यमन्त्री सरोजकुमार यादवले १५ महिनामा आज चौथो पटक विश्वासको मत लिँदैछन् । विश्वासको मत लिनका लागि आज दिउँसो १ बजे प्रदेशसभा बैठक बस्दै छ ।

संघीय सत्ता समीकरण परिवर्तन भएपछि मधेश सरकारबाट गत चैत ५ गते नेपाली कांग्रेस बाहिरिएको थियो । चैत ९ गते कांग्रेसले सरकारलाई दिएको समर्थनसमेत फिर्ता लिएको थियो ।

सरकारमा सहभागी हुनै दलले विश्वासको मत फिर्ता लिएमा मुख्यमन्त्रीले प्रदेशसभामा ३० दिन पुन: विश्वासको मत लिनुपर्ने संवैधानिक व्यवस्था छ । त्यही अनुसार मुख्यमन्त्री यादवले आज विश्वासको मत लिन लागेका हुन् ।

कांग्रेस सरकारबाट हटेपछि नेकपा एमाले अहिले मधेस प्रदेशमा सहभागी छ । मुख्यमन्त्री यादवलाई विश्वासको मत पाउन समस्या छैन । अहिले गठबन्धन दलसँग मधेस प्रदेशमा स्पष्ट बहुमत छ ।