काठमाडौं । नेपाली कांग्रेसले आज देशभर प्रदर्शन गर्दै छ । आज संसद विघटनको विरोधमा नेपाली कांग्रेसका सबै भ्रातृ संगठनहरुले ७७ वटै जिल्लामा संयुक्त रुपमा विरोध प्रदर्शन गर्न लागेका हुन् ।
काठमाडौंमा मध्याह्न १२ बजे त्रिचन्द्र क्याम्पसबाट जुलुस निकालेर शान्तिवाटीकामा पुगेर विरोधसभामा परिणत हुने कांग्रेस काठमाडौंले जनाएको छ ।
यही माघ १३ गते बसेको कांग्रेस केन्द्रीय समितिको बैठकले तेस्रो चरणको आन्दोलनका कार्यक्रम सार्वजनिक गरेको थियो । आन्दोलनका कार्यक्रमअनुसार २४ गते शुभेच्छुक संगठनले प्रदर्शन गर्नेछन् ।
