काठमाडौँ। राष्ट्रपति विद्यादेवी भण्डारीले ज्ञानचन्द्र आचार्यलाई बेलायतको राजदूतमा नियुक्त गर्नुभएको छ । राष्ट्रपति भण्डारीले मन्त्रिपरिषद्को सिफारिसमा शुक्रबार आचार्यलाई बेलायतको राजदूतमा नियुक्त गर्नुभएको हो ।
परराष्ट्र मन्त्रालयको सचिवबाट अवकाश पाएका आचार्यले यसअघि संयुक्त राष्ट्रसङ्घको स्थायी प्रतिनिधि भएर काम गर्नुभएको थियो । वर्तमान सरकारले आचार्यलाई बेलायतका लागि राजदूतमा नियुक्त गर्ने सिफारिस गरी एग्रिमोका लागि बेलायतमा पत्र पठाएको थियो । बेलायतबाट उहाँको एग्रीमो आएपछि उहाँ राजदूत नियुक्त हुनुभएको हो ।
