• ३० चैत्र २०८०, शुक्रबार
  •      Fri Apr 12 2024
  •   Unicode
Logo
Latest
★   कोटेश्वरका व्यवसायीहरुको भनाई ‘व्यवसाय पनि चलोस्, घरबेटी पनि मर्कामा नपरुन्’ ★   उपराष्ट्रपति यादवसँग पाकिस्तानका राजदूतको शिष्टाचार भेट ★   अत्यावश्यक औषधि स्वदेशमा उत्पादनका लागि प्रक्रियाअघि बढाइएको छ: उपप्रधानमन्त्री यादव ★   ‘खाद्य स्वच्छता तथा गुणस्तर विधेयक संशोधन’ लाई राष्ट्रिय सभाको सहमति ★   विसं २०८०: वन मन्त्रालयमा के के काम भए ? ★   व्यवस्था बदलिएपनि कुनै गुणात्मक परिवर्तन हुन सकेन: पूर्वराजा शाह ★   नेपाललाई पहिलो सफलता, दिपेन्द्रले लिए विकेट ★   वर्षान्त २०८०: विद्यालय शिक्षा विधेयकले तताएको वर्ष ★   सुनकोसी मरिण डाइभर्सन: वैशाख २६ गते ब्रेक थ्रुको तयारी ★   लुम्बिनीका मुख्यमन्त्री महराले पाए विश्वासको मत

पिस कोर स्वयंसेवकको २०९औँ समूहद्वारा शपथ ग्रहण



काठमाडौँ – पिस कोरका २२ स्वयंसेवकहरूले नेपालमा आफ्नो दुई वर्षीय सेवाको प्रारम्भमा आज अमेरिकी राजदूत डिन आर. थम्पसन र पिस कोर-नेपालका देशीय निर्देशक ट्रोइ कफ्रथबाट शपथ ग्रहण गरेका छन् ।

यससँगै यी नयाँ स्वयंसेवकहरू नेपालमा काम गरिसकेका झन्डै ४ हजार पिस कोर स्वयंसेवकहरूको सङ्ख्यामा जोडिएका छन् । सन् १९६२ यता नेपाल आएका अमेरिकी स्वयंसेवकहरूको यो २०९औँ समूह हो । नेपाली र अमेरिकी सरकारबिच सन् १९६२ मा नेपालमा पिस कोर कार्यक्रमको स्थापना गर्ने सहमतिमा हस्ताक्षर भएको थियो ।

कार्यक्रममा बोल्दै राजदूत थम्पसनले भन्नुभयो, “सन् १९६१ मा पिस कोर कार्यक्रमको स्थापना हुँदा राष्ट्रपति केनेडीले भन्नुभएको थियो, ‘स्वयंसेवक पुरुष र महिलाहरूले आफूलाई खटाइएको देशका नागरिकहरूसँगै काम गर्नेछन् र उनीहरूसँगै बस्नेछन् अनि उनीहरूले गरेकै काम गर्नेछन्, उनीहरूले खाएकै खाना खानेछन्, उनीहरूले बोलेकै भाषा बोल्नेछन् भन्ने अपेक्षा गरिन्छ ।’  यो कुरा त्यस बेला पनि सत्य थियो र अहिले पनि उस्तै छ । पिस कोरका स्वयंसेवकहरू नेपाली आतिथेय परिवारसँग बस्छन्, उनीहरू र समुदायका अन्य सदस्यसँगै खाना खान्छन्, नेपाली भाषा सिक्छन् र प्रयोग गर्छन् अनि तलबको साटो थोरै भत्तामा काम गर्छन् ।”

गत माघ महिनामा नेपाल आइपुगेका यी २२ जना पिस कोर स्वयंसेवकले आफ्नो सेवाको तयारी स्वरूप काभ्रे जिल्लामा ११ हप्‍ता लामो सघन भाषिक, अन्तरसांस्कृतिक तथा प्राविधिक प्रशिक्षण पूरा गरेका छन् ।

स्वयंसेवकहरूलाई गण्डकी तथा बागमती प्रदेशका पाँच जिल्लामा खटाइएको छ, जहाँ उनीहरूले शिक्षा, विज्ञान तथा प्रविधि मन्त्रालय, स्वास्थ्य तथा जनसङ्ख्या मन्त्रालय र कृषि तथा पशुपन्छी विकास मन्त्रालयसँगको समन्वयमा सरकारी विद्यालयहरूमा अङ्ग्रेजी पढाउनुका साथै खाद्य सुरक्षा तथा स्वास्थ्यसम्बन्धी परियोजनाहरूमा काम गर्नेछन् । यस नयाँ समूहसँगै नेपालका सात जिल्लामा कार्यरत पिस कोर स्वयंसेवकहरूको सङ्ख्या ४० पुगेको छ ।