• ३० चैत्र २०८०, शुक्रबार
  •      Fri Apr 12 2024
  •   Unicode
Logo
Latest
★   मलेसियाले नेपाललाई दियो १४४ रनको लक्ष्य ★   भ्रष्टाचार गरेको अभियोगमा मुद्दा दायर ★   दिनेश कार्तिकलाई जिस्काउदै रोहितले भने: विश्वकप अझै बाँकी छ ★   कोटेश्वरका व्यवसायीहरुको भनाई ‘व्यवसाय पनि चलोस्, घरबेटी पनि मर्कामा नपरुन्’ ★   उपराष्ट्रपति यादवसँग पाकिस्तानका राजदूतको शिष्टाचार भेट ★   अत्यावश्यक औषधि स्वदेशमा उत्पादनका लागि प्रक्रियाअघि बढाइएको छ: उपप्रधानमन्त्री यादव ★   ‘खाद्य स्वच्छता तथा गुणस्तर विधेयक संशोधन’ लाई राष्ट्रिय सभाको सहमति ★   विसं २०८०: वन मन्त्रालयमा के के काम भए ? ★   व्यवस्था बदलिएपनि कुनै गुणात्मक परिवर्तन हुन सकेन: पूर्वराजा शाह ★   नेपाललाई पहिलो सफलता, दिपेन्द्रले लिए विकेट

इलाम–२ उपनिर्वाचनको उम्मेदवार आजै टुंगिन्छ: प्रवक्ता महत



काठमाडौँ । नेपाली काँग्रेसका प्रवक्ता डा. प्रकाशशरण महतले इलाम निर्वाचन क्षेत्र नं. २ मा काँग्रेसको तर्फबाट उम्मेदवार आज(बुधवार) टुंगिने बताउनुभएको छ ।

बुधवार नयाँ बानेश्वरस्थित संघीय संसद भवनमा सञ्चारकर्मीहरुसँग कुराकानी गर्दै प्रवक्ता महतले इलाम क्षेत्र नं. २ को उपनिर्वाचनका लागि नेपाली काँग्रेसले आजै(बुधवार नै) उम्मेदवार तय गर्ने बताउनुभएको हो । उहाँले अब उम्मेदवार चयन गर्न ढिला गर्नु आवश्यक नभएको बताउनु भयो । त्यस्तै उहाँले नेपाली काँग्रेसजस्तो संसदीय मर्यादामा चल्ने अरु कुनै पार्टी नभएको बताउनु भयो । उहाँले राष्ट्रिय स्वतन्त्र पार्टीका सांसदहरुले ठूला ठूला कुरा गरेपनि उहाँहरुलाई कुनै मर्यादाको बारेमा थाहा नभएको बताउनु भयो ।

उहाँले भन्नुभयो – ‘धेरै ढिलो गर्ने काम छैन । आज टुंगिन्छ । नेपाली काँग्रेसजस्तो संसदीय मर्यादामा चल्ने पार्टी कुनैपनि छैन । अहिलेसम्मको संसदीय इतिहासको रेकर्डलाई हेरे हुन्छ । उहाँहरुलाई न संसदीय व्यवस्थाको अनुभव छ । उहाँहरु ठुला ठुला कुरा गर्नुहुन्छ । उहाँहरुलाई कुनै मर्यादाको बारेमा थाहा छैन । हामीले कुनैपनि विषयमा प्रश्न उठ्नेबित्तिकै राजीनामा दिएको इतिहास छ । उहाँ स्पष्ट रुपमा संलग्न हुनुहुन्थ्यो सहकारी प्रकरणमा । स्पष्ट देखिएको छ । हामीले त राजीनामा पनि भनिराखेका छैनौँ । छानविन समिति बनोस् । छानविन समितिले जे निष्कर्ष निस्किन्छ, उहाँ दोषि देखिनु भयो भने त्यसबेला राजीनामा हो । त्यसकारण छानविन समिति बनाउन किन आपत्ति ? यो नगर्नुको कारण के स्पष्ट छ भने उहाँको संलग्नता छ ।’

प्रवक्ता महतले गृहमन्त्री रवि लामिछानेको सहकारी ठगि प्रकरणमा संलग्नता भएका कारण संसदीय छानविन समिति बनाउन तयार नभएको बताउनु भयो ।