एजेन्सी । इन्डियन प्रिमियर लिग (आईपीएल) को १७ औं सिजन सुरु भइसकेको छ । शुक्रबार उद्घाटन समारोहपछि, पहिलो खेल डिफेन्डिङ च्याम्पियन चेन्नई सुपर किंग्स र रोयल च्यालेन्जर्स बैंगलोर बीच खेलिएको थियो । प्रतियोगिताको पहिलो डबल हेडर (एक दिनमा २ खेल) आज हुँदैछ ।
पहिलो खेलमा दिउँसो ३ः४५ बजे पञ्जाब किंग्सले दिल्ली क्यापिटल्ससँग मोहालीमा खेल्नेछ । दोस्रो खेलमा दुई पटकको च्याम्पियन कोलकाता नाइट राइडर्सले २०१६ को च्याम्पियन सनराइजर्स हैदरावादको सामना गर्नेछ ।
आईपीएलमा हालसम्म कोलकाता र हैदरावादबीच २५ खेल भएका छन् । ९ खेलमा हैदरावाद र १५ खेलमा कोलकाता विजयी भएका छन् । दुवैबीच एक खेल टाई पनि भएको छ ।
कोलकाताको इडेन गार्डेन स्टेडियममा हैदरावादको कीर्तिमान अझ खराब छ । उसले यहाँ ९ खेल खेल्दा ३ मात्रै जित्न सकेको छ ।
कोलकाताको पिच स्पिन र पेस बलर दुवैका लागि सहयोगी साबित हुन्छ । तर गत सिजन यहाँ धेरै रन बनेका थिए । ब्याट्सम्यानका लागि सहयोगी पिच थिए तर यसपटक यहाँ स्पिनको हावी हुन सक्छ ।
किनभने घरेलु टोलीमा वरुण चक्रवर्ती, सुनिल नारायण र सुयश शर्मा जस्ता शीर्ष श्रेणीका स्पिनरहरू छन् ।
कोलकातामा शनिबार साँझ गर्मी हुनेछ, वर्षाको सम्भावना छैन । दोस्रो इनिङ्समा ओस खस्न सक्छ, यस्तो अवस्थामा टस जित्ने टोलीले पछ्याउन चाहन्छ ।
