काठमाडौं । रूसको राजधानी मस्कोस्थित एक थिएटरमा बन्दुकधारीको अन्धाधुन्ध गोलाबारीमा कम्तिमा ६० जनाको मृत्यु भएको छ ।
आक्रमणमा एक सयभन्दा बढी घाइते भएका छन । मस्कोनजिक एक कम्प्लेक्समा म्युजिकल कन्सर्ट चलिरहेको स्थानमा बन्दुकधारीले अन्धाधुन्ध आक्रमण गरेका हुन् । कम्प्लेक्समा आगोको मुस्लो नै देखिएको थियो ।
हमलाको जिम्मेवारी ईस्लामिक स्टेट आईएसएसले लिएको छ । तर रूसले यसबारे कुने प्रतिक्रिया दिएको छैन । रूसको राष्ट्रिय गार्डले हमलाकारीको खोजी गरिरहेको जनाएको छ ।
यसैबीच मस्कोस्थित अमेरिकी दूतावासले भीडभाड हुने क्षेत्रमा नजान आफ्ना नागरिकलाई सचेत गराएको छ ।
