एजेन्सी । कोलकाता नाइट राइडर्सको कप्तान श्रेयस अय्यर र गत सिजन टोलीको नेतृत्व गरेका नितिश राणा उपकप्तान हुने भएका छन् । केकेआरका सीईओ भेन्की मैसूरले अय्यर फर्किएको घोषणा गरेका हुन् । उनले नितिश उपकप्तान रहने बताए ।
रणजी फाइनलको पाँचौं दिनमा विदर्भको दोस्रो इनिङ्समा अय्यरले मुम्बईका लागि फिल्डिङ गरेनन् । यसपछि उनी आईपीएलका प्रारम्भिक खेलबाट बाहिरिने आशंका गरिएको थियो । श्रेयस अय्यर पूर्णतया फिट रहेको र पहिलो खेलबाट कप्तानी गर्ने बताइएको छ ।
उनले रणजी फाइनलको अन्तिम दिन सावधानीका रुपमा फिल्डिङ गरेनन् । उनी छिट्टै टोलीमा आउनेछन् ।
रणजी फाइनलमा विदर्भविरुद्धको दोस्रो इनिङ्समा श्रेयस अय्यरले १११ बलमा ९५ रनको इनिङ खेलेका थिए । तर, उनले पहिलो इनिङ्समा ७ रन मात्रै बनाउन सकेका थिए ।
श्रेयस अय्यर गत वर्ष आईपीएलको सम्पूर्ण सिजन बाहिर थिए । गत वर्षको सुरुमा अस्ट्रेलियाविरुद्धको टेष्ट सिरिजको अन्तिम खेलमा उनी घाइते भएका थिए । यही कारण केकेआरले नितिश राणालाई कप्तान बनाएको थियो । गत वर्ष जुन ७ मा इंग्ल्याण्डमा हुने विश्व टेस्ट च्याम्पियनसिपको फाइनलमा पनि उनी उपलब्ध थिएनन् ।
