काठमाडौँ । विगत लामो समयदेखि नेपाली रंगमञ्च साहित्य र फिल्म क्षेत्रमा सक्रिय भीष्म जोशीले आफ्नै लेखन र निर्देशन रहेको म्युजिकल सर्ट फिल्म ‘समय र उमेर’ ल्याएका छन् ।
जोशीको आफ्नै प्रडक्सन ‘आर्ट घर’ मार्फत बिहीबार गीत सार्वजनिक गरिएको हो ।
म्युजिकल सर्ट फिल्म ‘समय र उमेर’ले उमेर बढेसँगै बालापनको प्रेम आउने परिवर्तन देखाउने प्रयास गरेको छ ।
भिडियोमा भीष्मसहित रिश्ता बस्नेत(अधिकारी), नेहा शाही र रविन्द्र थापाको अभिनय रहेको छ । भीष्मकै शब्द रहेको गीतमा सुविन सेञ्चुरी र समिक्षा दाहालको स्वर छ ।
सागर संसार राईले मिक्सिङ गरेको गीतमा गायक सेञ्चुरीले नै संगीत भरेका छन् । गीतको संगीत संयोजन पनि उनकै छ ।
माहोल स्टुडियोमा रेकर्ड गरिएको यस गीतको भिडियो सुजय गौतमले छायांकन र जेसन लोप्चनले सम्पादन गरेका हुन् ।
