काठमाडौँ । खराब ब्याटिङ गरेको नेपाल त्रिकोणात्मक अन्तर्राष्ट्रिय टी–२० शृृङ्खलाको फाइनल खेलमा पपुवा न्यूगिनी (पीएनजी)सँग पराजित भएको छ ।
पीएनजीले दिएको १७२ रनको लक्ष्य पछ्याएको नेपाल १६.३ ओभरमा अलआउट हुँदै मात्र ८५ रन बनायो।
नेपालका लागि सन्दीप जोराले सबैभन्दा धेरै १७ रन बनाए । आरिफ शेखले १५ र कप्तान रोहित पौडेलले १२ रन बनाउदा अन्य कुनै पनि खेलाडिले दोहोरो अंकमा रन बनाउन सकेनन् । नेपालले एक्स्ट्रा १६ रन पायो ।
पीएनजीका चान्द सोपर,सेसे बाउ, सेमो कामे र काबुवा मोरेले समान दुई विकेट लिए ।
त्यसअघि हङकङमा टस हारेर पहिला ब्याटिङ गरेको पीएनजीले निर्धारित २० ओभरमा ८ विकेट गुमाएर १७१ रन बनाएको थियो।
पीएनजीका टोनी उराले अर्धशतकिय ईनिङ खेलेका थिए । उनले ३७ बलमा ५ चौका र ४ छक्कासहित ६१ रनको योगदान दिए । अलेइ नाओले ३०, हिला वारेले १८, हिरि हिरिले १५ र किप्लिन दोरिगाले १४ रन बनाए ।
नेपालको लागि कुशल भुर्तेल र आकाश चन्दले समान तीन /तीन विकेट लिएका थिए । करण केसि र गुलशन झाले एक /एक विकेट लिए ।
