काठमाडौँ । बहराइनविरुद्ध विश्वकप छनोट फुटबल खेल्ने नेपाली टोलीको घोषणा गरिएको छ । फिफा विश्वकप र एएफसी एसियन संयुक्त छनोट अन्तर्गत बहराइन विरुद्धको दुई खेलअघि नेपालले मलेसियासँग मैत्रीपूर्ण फुटबल खेल्न लागेको छ ।
अखिल नेपाल फुटबल संघ (एन्फा)का अनुसार यही टोलीले मलेसियाविरुद्ध मैत्रीपूर्ण खेल पनि खेल्नेछ । नेपालले यही मार्च १५ अर्थात चैत २ गते मलेसियासँग उसैको मैदानमा खेल्नेछ । जसका लागि नेपाली टोली बुधबार मलेसिया प्रस्थान गर्नेछ ।
विश्वकप छनोट अन्तर्गत नेपालले चैत ८ र १३ गते बहराइनसँग उसकै घरेलु मैदानमा दुई खेल खेल्दैछ । चैत ८ गते बहराइनसँग घरेलु मैदानमा खेल्ने तालिका भए पनि दशरथ रंगशाला ‘अयोग्य’ भएपछि खेल नेपालमा नहुने भएको हो । सो खेल पनि अब बहराइनमै हुनेछ ।
नेपाली टोली:
गोलकिपरः किरण चेम्जोङ, विशाल सुनार, अभिषेक बराल
डिफेन्डरः अभिषेक लिम्बु, अजय चौधरी, अनन्त तामाङ, छिरिङ लामा, सनिस श्रेष्ठ, सौभाग्य राई, सुमित श्रेष्ठ
मिडफिल्डरः भरत खवास, विशाल बस्नेत, लाकेन लिम्बु, मणिकुमार लामा, मनिष डाँगी, रोहन कार्की, उत्सव राई
फरवार्डः अञ्जन विष्ट, दिनेश हेम्जन, जिलेस्पीजंग कार्की, हिसुब थपलिया, समिर तामाङ र सञ्जिव विष्ट
