एजेन्सी । ग्लोबल फेम गायिका रिहाना अर्बपति व्यापारी मुकेश अम्बानीका छोरा अनन्त अम्बानी र राधिका मर्चेन्टको विवाहपूर्व समारोहमा सहभागी भएकी छिन् । कार्यक्रममा शानदार प्रदर्शन गर्न रिहाना बिहीबार गुजरातको जामनगर पुगेकी थिइन् । पप रानीको आगमनअघि उनको लागि विशेष व्यवस्था गरिएको थियो ।
जङ्गल फेम कारदेखि ठूला कन्टेनरहरू कार्यक्रम स्थलमा लैजानेसम्म, रिहाना र उनको टोलीको हरेक आवश्यकताको ख्याल राखिएको थियो । यसैबीच, यदि मिडिया रिपोर्टहरू विश्वास गर्ने हो भने, रिहानाले अम्बानी परिवारको यस उत्सवमा सहभागी हुन करोडौं शुल्क लिएकी छिन् ।
जामनगरमा रिहानाको उपस्थितिको ठूलो मूल्य छ । मेलअनलाइनका अनुसार ग्रामी विजेता गायकलाई ५० लाख अमेरिकी डलर अर्थात् करिब (४१.४ करोड भारु, नेरु ६५ करोड) भुक्तान गरिएको थियो । यो अचम्मको कुरा होइन किनकि अम्बानीले यसअघि २०१८ मा आफ्नी छोरी ईशाको विवाहमा प्रदर्शन गर्न बियोन्सेलाई ६ मिलियन अमेरिकी डलर तिरेका थिए ।
अनन्त अम्बानी र राधिका मर्चेन्टको प्रि–वेडिङ समारोह भव्य हुने अनुमान गरिएको छ । विवाहपूर्व उत्सवहरूले पाहुनाहरूलाई भारतीय संस्कृतिको सौन्दर्य अनुभव गर्न अनुमति दिनेछ । उनीहरूले कच्छ र गुजरातको लालपुरका महिला कारीगरहरूले बनाएको परम्परागत स्कार्फ उपहार स्वरूप पाउनेछन् । प्रि(वेडिङ समारोहमा बलिउडदेखि हलिउडसम्मका सेलिब्रेटीहरू सहभागी हुनेछन् ।
